"Мектебім - мейірім мекені!"

        Алғашқы қоңырау - жаңа бастаманың күні! Мектеп ауласы қайтадан балалардың шат күлкісіне, гүл мен кітап иісіне толып, ұстаздар  мен ата-аналардың қуанышы жарасқан ерекше күн.
Бүгін кішкентай бүлдіршіндеріміз алғаш рет мектеп табалдырығын аттап, білім жолына қадам басуда. Ал жоғары сынып оқушылары үшін бұл-алға қойған мақсаттарды жүзеге асыруға тағы бір мүмкіндік. 
        Бүгін 1-ші қыркүйек күні Знаменка орта мектебінде білімнің алтын есігін ашқан алғашқы қоңырау салтанатты түрде өтті. Салтанатты жиынға Жаңасемей ауданы білім бөлімінің әдіскері Тоқтарова Бакытгул Кенесовна, Көкентау ауылдық округінің әкімі Жұмағали Әдлет Болатұлы және жаңа оқу жылында жаңа қызметке тағайындалған мектеп директоры Ибраев Думан Куандыкович құттықтау сқз сөйлеп, жылы лебіздерін білдірді. 
        Барша оқушыларға, ұстаздар мен ата-аналарға 2025-2026  оқу жылы толағай табысты, шабытты жыл болғай демекпіз.