"Анаға тағзым"

7 наурыз күні мектебімізде Халықаралық әйелдер күніне орай ерлер ұжымының ұйымдастыруымен салтанатты жиын өтті. Жиын басында мектеп директоры Максутканулы Серикжан әйелдер қауымын мерекемен құттықтап, бірқатар мұғалімдерді қалалық білім бөлімінің грамоталарымен марапаттады.Кәсіподақ ұйымының басшысы Ряшева Меруерт Думанбековна да бірнеше мұғалімдерді марапаттап, ұйымдағы ханымдарға кәсіподақ атынан сыйлықтар берді. Жиын ерлер ұжымы мен мектеп оқушыларының мерекелік кешімен жалғасты. Бағдарлама "Оскар премиясы" негізінде құрылып, "Серпін-2050", "Антистресс", "Қорықпайтын жауынгер","Эконом-класс","Барып кел, шауып кел", т.б. номинациялармен бірқатар ханымдарды марапаттады. Аталмыш шара ханымдарға көтеріңкі көңіл-күй сыйлады. Ерлер ұжымына жоғары деңгейде өткізген мерекелік кеш үшін алғыс білдіреміз💯